للى بيقولوا يبقى انت اكيد فى مصر مصطفى واعوانه

(الحدود)

كلمات : سيد حجاب

غناء: فرقة الاصداقاء
(منى عبد الغنى -علاء عبد الخالق-حنان -عمار)
***

وإحنا فايتين ع الحدود

مستمرين فى الصعود

اختفى النيل الجميل من تحتنا

والمدن .. والريف

وأول عمرنا ..

وابتدا شىء ينجرح جوة الوجود

وابتدينا أسئلة مالهاش ردود ..

ميلنا ع الشباك نخبى

دمعة فرت مننا ..

بصة من الشباك على البحر البعيد

واحنا رايحين بالامال عالم جديد

كنت فاكرة يامصر انى تعبت منك

واكتشفت انى محال استغنى عنك

حتى دوشة صوت جيرانى

والزحام وحشونى تانى

بسمة حلوة لطفلة لسة صغيرة

لما كنت اديها حتة سكرة

قبل مانسيبك وحشتينا

يامصر ياأمنا ..

وابتدا شىء ينجرح جوة الوجود

وابتدينا اسئلة مالهاش ردود

ميلنا ع الشباك نخبى

دمعة فرت مننا ..
***

كنت بتذكر وانا فى غاية الاسى

لعبنا الكورة فى حوش المدرسة

والشقاوة واحنا لسة صغيرين

والبراءة والصحاب الطيبين

لما سألتنى اللى جنبى

انت مصرى؟؟ دق قلبى

اسمى زى السحر رفرف ع المكان

زى نسمة مهفهفة بصوت الادان

أيوة مصريين لآخر كل نقطة فى دمنا

أيوة مصريين لاخر كل نقطة فى دمنا

*****
من وجوه من تلج وعيون من ازاز

شوقى زاد للعشرة والناس العزاز

وابتديت اكتب وانا فوق السحاب

ابتديت ياحبيبى فى اول جواب

مصر انتى حتة منى

مش مجرد اسم وطنى

قالوا فاضل نص ساعة ع الوصول

قلت ايه معنى الساعات والا الفصول

الا فى الارض اللى فيها ذكرياتنا وحبنا

الا فى الارض اللى فيها ذكرياتنا وحبنا

وابتدا شىء ينجرح جوة الوجود

وابتدينا اسئلة مالهاش ردود

ميلنا ع الشباك نخبى

دمعة فرت مننا

ميلنا ع الشباك نخبى

دمعة فرت مننا ..

واالله ياخالد هو كلااام جميييل وصح بس برضه في حاجات هنا مش حلوووه خاالص بتخلي الواحد عاااوز يساافر ويهااجر Crying or Very sad

بس صح مفيش احللى من مصر فيها احلى ذكريااااات drunken

حلوة جداااااااااااا يا خالد انا اول مره اشوفها خليهم يعرفوا قيمه مصر

10/10

اوك يا خالد هى مصر فى الاغانى بس

بس ليه كل اللى فيها عايزين يطلعو برها وخصوصا الشباب