من طلب العلا يتفضل فى كابينه 4
اللى بيته من إزاز ميغيرش هدومه فى الصالون
فاقد الشىء يدور عليه
اقلب القدره على فمها الفول يقع منها
تأتى الرياح محمله بالأتربة
يا خبرالنهارده بفلوس بكره ينزل عليه أوكازيون
اللى معاه قرش محيره يجيب حمام ويحمره
جت الحزينه تفرح شغلت شريط حكيم وقعدت ترقص
قال يامحشـشين يكفيكوا شر الكمين
اللى ياكل لوحده يشبع
لاتبكى على اللبن فى البسكوت
اقطع عرق و حته بتلو
اطبخى ياجاريه الأنبوبه فاضيه يا سيدى
لو حبيبك عسل ما تحطلوش طحينة
اللى يتلسع من الشوربه يتصل بالمطافى
وبكره ترجع ريما من عند خالتها فى مارينا
يا داخل بين البصلة وقشرتها حط قطرة علشان هادمع من ريحتها
أصوم أصوم وأفطر على المدفع
القرش الأبيض بيعوم فى البحر الأحمر
ضربوا الأعور على عينه قالهم كسرتوا النضاره
اللى ميشفش من الغربال يكشف نظر
نام وارتاح وكل عسل نحل التمساح
من خرج من داره مينساش يأخد المفتاح معاه
الباب اللى يجيجلك منه الريح شيله وركب قبنورى
المضطر يركب التاكسى
رب صدفة خير من ألف ليلة و ليلة
اللى يخاف من العفريت يعمل عبيط
المركب اللى فيها رايسين يلعبوا طاولة
اللى خدتوا الأرعه تخدو أم الخلول
أكل العيش يحب الطعميه
lenses العين عليها
قالوا للحرامى أحلف قالهم وحياة قلبى وأفراحه
متبصليش بعين رضيه دنا طلع عين أمى فى السعوديه
ربنا يحميكى من الميكانيكى
الحلوة اسمها تفاحة للسفر والسياحة
الحلوة من حلوان وصاحبها راجل غلبان
الحلوة من دمياط وعليها أقساط
قصه كفاح مش جايه على المرتاح
متزمروش يا جماعة دا السواق نايم
اجرى جري الوحوش أوتوبيس 710 ماتلحقوش
موضوع: امثـــــال مودرن. 
الخميس مارس 22, 2007 11:41 pm
