شب غاوي نت شوفوا كتب ايه لحبيبته!!!!! منقول

شوفوا بقى


باهواك انا صبح وليل ......... وانت ولا حتى ايميل

فرح قلبى وعيونى ............ تطلب بريدى الالكترونى

باصرف انا وبفنجر ............. وبفتح لك 1000 ماسنجر

عليك بصحى وببات ............ وبستناك جوه الشات

حبك فى قلبى ابتدى .............. وعملتلك يا روحى منتدى

طول عمرى انا بهواك ........ وانت بتخاف مالهاك

وبقول لك ياروحى كافى ........ وكفايه بس المكافى

هيى يا حبيبى مش غوول ....... ومش عايز فاير وول

وفى حبك انا رحت وجيت ........... وانت اقسى مالسى جيت

انت اسأل وانا ارد ............... واديك كمان الباسورد

انا لا مدحت ولا ابراهيم .......... ولا بخش بكذا نيك نيم

ولا بعرف الف ولا ادور ............ وعاملى باسبور

وكل ما اجيلك اتمختر ............ تدينى بلوك وانتر

ما تحن يا روحى وتماين ....... وخليك معايا اون لاين

وقول لى مهرك ايه ؟؟ .......... اشتريلك نت كافيه ؟؟

ده انا هبنى لك بيت كذا دور .... وهجيب لك بانتيوم فور

وهقول لك ثانك يوو ............ لو ضفتنى على الايس كيوو

وحلمى قبل منام ..................... اشوف صورتك على الكام

ولو فحبك احترت .................. هعمل لقلبى ريستارت

وسلام.. انا كده استويت ......... وهعمل لحبك دليـــت