الى طلاب الثانويه العامه

الناس الغلابى بتوع الثانويه اللى يمكن مرعوبين من الامتحان بفكركم ان لسه على الامتحان حوالى شهر و نص يعنى حوالى 6 اسابيع و تلاقى نفسك فى الامتحان و بتاخد ورقه الاسئله بس مش بقلكوا كده علشان بطنكو توجعكو او تجروا على الحمام لالالا بقلكوا كده علشان اكيد لسه فيه فرصه بردو ادامك
تعمل حاجه.

شهر و نص كتير على الامتحان؟؟؟

1_ايوه طبعا كتير انته تعرف ان العالم ده ممكن يدمر فى عشر دقايق فقط ؟؟

2_و ان معظم طلبه الكليات مبيشفوش الكتاب الا قبل الامتحان ب 3 ايام

طيب انا هقدم لكم برنامج يومى للمذاكره تمشوا عليه بس قبل ده كله لازم تعرف ان الشهرين اللى جايين دول هم مستقبلك لو طلت تنحت فى الصخر علشان تبقى انسان محترم و كلمتك مسموعه دا انته مش تنحته بس لا كله

ياعم اعتبر نفسك فى الجيش و بتصحى بدرى و غصب عنك .

طيب يعنى اليكم بعض النصائح .

اول حاجه حط لك هدف ادامك . قوم حالا علق ورقه او لوحه كبيره و اكتب فيها اسمك و قبل منها اكتب مهنتك ان كانت دكتور او مهندس او ظابط او طيار او مدرس او محامى ا و او . و اعرف قيمة الهدف بتاعك ده و لما تعرف قيمته اى حاجه هتقابلك هتتغلب عليها .

تانى حاجه متضيعش ثانيه من وقتك فى حاجه مش مفيده خلى كل وقتك لصالح الدراسه حتى لو مش بتذاكر يعنى مثلا لو بتسمع برنامج حوارى او نقاش اقعد اسمعه و ركز فيه و حط فى بالك انه ممكن يجيلك موضوع تعبير فى امتحان اللغه العربيه لو بتسمع قصيدة شعر افهم معانيها ممكن تجيلك فى البلاغه ، او لو بتقرا قران انظر للتشكيل بتاعه و مفيش مانع انك و انته بتقرأ تقعد تعرب فيه و هيبقى اسهل لك كتير اوى لانه كله متشكل و النحو بتاعه مظبوط و اللى متعرفهوش اسال المدرس فيه.

تالت حاجه خلى ذهنك صافى للمذاكره بمعنى عيش الشهرين دول كانك فى صومعه او فى العنايه المركزه ، و الله فيه ناس بتقعد بالشهر فى العنايه المركزة و بتبقى بتموت .

ازاى تخلى ذهنك فاضى و مش مشوشر ؟؟

قول لنفسك دائما ان المخ ده يشبه مثلا الحجره و الملعومات دى مثلا هم سكان الحجره دى و مبيقبلوش انهم يعيشوا مع حد تانى .

فانت لو جيت تدخل اغنيه مثلا يعنى تخيل ان الاغنيه دى هتقوم مخرجه كم معلومه كده من دماغك و بتقعد مكانهم.

عملت زنب معين بردو نفس الحكايه هتلاقيه قاعد فى مخك و بيدايق المعلومات ( العلم نور و نور الله لا يهدى لعاصى)
رابع حاجه تنظم وقتك. ازاى انظم وقتى؟؟؟

الحمد لله ان جسمنا من نفسه فيه منبه او اللى بيسموه الساعه البيولوجيه ان الجسم بتاعك متكيف انه يصحى الصبح و بيبقى نشيط .

هتبدا يومك بانك تقوم الفجر او الساعه 6 الصبح . طبعا انته عندك 5 مواد بالخمس فروض اللى ربنا فرضهم علينا هتذاكر من الصبح للضهر مثلا ماده زى الفيزيا و بين كل خمسين دقيقه ترتاح عشر دقايق علشان تعمل ريفريشمنت لمخك لحد الضهر مثلا و بعدين تصلى و تزاكر اى ماده بقا لحد العصر و من العصر للمغرب ماده تانيه و هكزا لحد ما تلف على الخمس مواد كلهم فى اليوم .

طبعا هتيجى بالليل و تكون خلاص هتموت من التعب ، عادى فيها ايه يعنى ما هو زمايلك فى العراق و فى فلسطين بيموتوا بالرصاص .

قبل النوم و انته مش قادر خلاص تقوم جايب القصه بتاعه العربى بدل ميكي يعني و اقرا فيها اهو لحد ما تروح فى النوم .

لما تنام بقا اوعى تحلم بحاجه بعيد عن الدراسه طبعا لما هتبرمج نفسك على المزاكره هتلاقى نفسك بتحلم بالمواد و السؤال اللى انته عايز تساله للمدرس مثلا ممكن تحلم انك سالته و هو جاوبك (اكيد كانت بتحصل مع الناس اللي خلصوا ) .

طيب انته طبعا بتروح دروس و انتى ماشى فى السكه بقا بدل ما تاكل لب . تقوم تأزأز شوية كلمات انجلش على ما تروح تكون حفظت لك خمس كلمات و لا حاجه.

طيب فيه ساعات معلومات الواحد بينساها تعمل فيها ايه؟؟؟؟؟ لو فيه تجارب مثلا و بتروح من دماغك انت المفروض تكتب كل تجربه فى ورقه و تعلقهم على الحيطه فى حجرتك بحيث كل ما تتلفت تلاقى تجربه معينه .

بجد يا لولة حلوة اوى ىىىىىىىىىى النصايح دى

وياريت الناس اللى فى ثانوية عامة يعملوها بجد

انا عن نفسى وانا فى ثانوية عامة كنت بحاول على قد ما اقدر انى اعملها

وممكن ازود شوية حاجات كده على قدى بس هى نفعتنى اوى بجد

انا اهم حاجة كانت عندى وكانت تقريبا البعبع بتاعى

يوم النتيجة

انا كنت بذاكر علشان يوم النتيجة الناس تفرح ومزعلش حد

وطبعا قبلهم انا ابقى فرحانة

دايما افتكر نفسى وانا يوم النتيجة عايزة اكون بعيط ولا مبسوطة واتشرط على الكلية اللى انا عايزاها

والحمد لله جبت مجموع هندسة ومدخلتهاش Very Happy

وبابا كان نفسه ادخلها بس انا علشان زى ما انتى قلتى كنت محددة فنون عمارة هى هدفى

وفى حاجة كمان هى التركيز حاولو تركزو اوى وانتو بتذاكرو

علشان بجد السرحان ده وحش اوى

ولما الواحد يبقى سرحان حيلاقى ساعة وساعتين و3 و..... بيعدو عليه من غير ما يقلب صفحة الكتاب حتى

اكيد انتو بتحسو باللى بقوله واكيد عدى عليكو

انا كان بيحصلى على طول لما اذاكر عربى وخصوصا النصوووووووووص

المهم ....

اهم حاجة انك تحاول تركز وده مش حيكون موجود الا لما تحب اللى انت بتعمله

يعنى لو حبيت المادة حتحب مذاكرتها ومش حتلاقى نفسك بتسرح

بس بالعكس حتلاقى نفسك بتنجز فيها على غير العادة

لكن لما تقعد تقول انا مش بحب المادة دى انا مش شاطر فى المادة دى حتلاقى نفسك تتخنق منها وتعيط ليلة الامتحان

لكن بجد من دلوئتى بص لبعدين وانك خلاااااااااص قربت تخلص

وحتلاقى نفسك ان شاء الله شغال كويس لو عملت لنفسك جدول حلو

ونصيحة كمان وقفو مراجعات الدروس بدرى علشان تعرفو تركزوووووووو

كفاية كده بئه انا حاسة انى بتكلم زى الناس الكبار Smile

بس والله الكلام ده بجد مش بهيس ولا بقول كلمتين وخلاااااااص

يارب يفيدكو بحاجة